संघीयता खोज्दै कलाकारः घुम्ती चलचित्र महोत्सव उत्साहजनकरुपमा सम्पन्न

केही बर्ष अघिसम्म मुलधार केन्द्रित फिल्म उत्पादन पछिल्लो समय विकेन्द्रिकृत हुँदै गएको छ । निर्माण र प्रविधि मात्र नभएर नेपाली फिल्मका विषयबस्तु समेत स्थानीयकरण हुँदै गएकोले विश्वका ठूल्ठुला महोत्सवमा नेपालको पहिचान स्थापित हुँदै गएको काठमाण्डौं अन्तराष्ट्रिय पर्वतीय चलचित्र महोत्सवका बोर्ड निर्देशक शेखर खरेलले बताउनु भयो । खरेलका अनुसार विश्वका ठूल्ठूला चलचित्र महाेत्सवमा नेपाली चलचित्रकाे उपस्थिति राम्राे हुँदै गएकाे छ ।
पूर्वमा नाकट उत्पादन र बजारीकरणमा सफल बन्दै गएको दमकको कमद थिएटरको आयोजनामा भएको दुई दिने फिल्म महोत्सवमा १२ वटा फिल्म प्रदर्शन भएको छ । उत्साहजनक सहभागितामा भएको महोत्सवले नयाँ कलाकारलाई समेत उर्जा मिलेको थिएटरका व्यवस्थापक कलाकार सिजन दाहालले बताउनु भयो । दाहालका अनुसार दमक कदम थिएटरकाे ९ अाैं बार्षिक उत्सवकाे अवसर पारेर पहिलाे पटक चलचित्र महाेत्सव  गरिएकाे हाे । यसले नव कलाकारका लागि ठूलाे लाभ मिलेकाे बताउनु भयाे ।
नेपाल र नेपाली सँस्कृति पछिल्लो समय फिल्म मार्फत विश्वमा परिचत बन्दै गएको छ । केही बर्ष यता बनेका फिल्मले स्थानीय विषयलाई प्राथमिकता दिँदै गएकाले दर्शकको रुची समेत बढ्दै गएको निर्देशक नविन सुब्बाले बताउनु भयो । सुब्बा अनुसार पछिल्लाे समय स्थानीय विषयबस्तुमा चलचित्र निर्माण हुँदै गएकाले राम्राे अार्थिक उर्पाजन समेत गर्न सफल भएकाे दावी गर्नु भयाे ।

दमकमा भएको दुई दिने चलचित्र महोत्सवमा पूर्वी नेपालका विभिन्न जिल्लाबाट कलाकारहरुको उपस्थितिमा चलचित्रको विकासमा बहस र अन्तकृया समेत भएको छ । राज्यले भौतिक पूर्वाधार मात्र नभएर कलाकारिताको समेत सँगसँगै विकास गर्न सके नेपालको पहिचानलाई विश्व सामु उच्च बनाउन सकिने कलाकारहरुको भनाइ छ ।