पूर्वी नाका मेची भन्सारबाट राजश्व असुलीमा बृद्धि
४ वैशाख २०८२/डिकेश लामा
पूर्वी नेपालको दोस्रो ठूलो नाका मेची भन्सारबाट गत बर्ष भन्दा राजश्व संकलन बृद्धि हुँदै गएको छ । लक्ष्य भन्दा कम राजश्व संकलन भए पनि अघिल्लो दुई आर्थिक बर्ष भन्दा धेरै राजश्व असुली भएको भन्सार कार्यालयले जनाएको छ ।
चालु आर्थिक बर्षको ९ महिनासम्म लक्ष्यको ९० दशमलव ८१ प्रतिशत राजश्व संकलन भएको छ । चैत्र मसान्तसम्म ११ अर्ब ४८ करोड रुपयाँ संकलन भएको छ । अघिल्लाे बर्ष ९ महिना अर्थात चैत्र मसान्तसम्म १० अर्व ३८ कराेड राजश्व असुली भएकाे थियाे।
मेची भन्सार नाका भएर सवै भन्दा धेरै पेट्रोलिय पदार्थको आयात हुने गर्दछ । यसैगरी लता कपडा, मेशिनरी सामान, केमिकल्स, खाद्यन्य, तरकारी लगायत बस्तु आयात हुने गर्दछ । यसै गरी कृषिजन्य सामाग्री अलैंची, कुचाे, चिया, प्लाइ र छुर्पी देशकै सवै भन्दा धेरै मेची भन्सार कार्यालयबाटै निर्यात हुँदै आएकाे भन्सार कार्यलयले जनाएकाे छ ।
