नेपालमा अहिले सम्मकै धेरै एकै दिन ७२११ संक्रमित
१९ वैशाख २०७८, काठमाडौं– नेपालमा आज एकै दिन ७ हजार २ सय ११ जनामा कोरोना संक्रमण पुष्टि भएको छ । याे संख्या अहिलेसम्मकै सबैभन्दा धेरै संक्रमित भएकाे संख्या हाे ।
स्वास्थ्य तथा जनसंख्या मन्त्रालयका अनुसार गत २४ घण्टामा १६ हजार १ सय ४७ पीसीआर परीक्षणमा ७ हजार १ सय ३७ जना र ६ सय २३ एन्टिजेन परीक्षणमा ७४ जना गरी एकै दिन ७ हजार २ सय ११ जनामा कोरोना संक्रमण पुष्टि भएको हो । यसैगरी गत २४ घण्टामा १ हजार ६ सय १२ जना निको भएर घर फर्किएका छन् ।
गत २४ घण्टामा २७ जनाको मृत्यु भएको छ । हालसम्म मृत्यु हुनेको संख्या ३३२५ पुगेको छ ।
