नेपालमा आज ८०४६ संक्रमित ५४५५ निकाे

१ जेष्ठ २०७८, काठमाडौं– नेपालमा कोरोना भाइरस संक्रमितको संख्यामा केही कमी आएको छ । दुइ दिन यता संक्रमणकाे संख्यामा केही कम आएकाे हाे । गत २४ घण्टामा ८ हजार ४६ जना संक्रमित भएको स्वास्थ्य तथा जनसंख्या मन्त्रालयले जनाएको छ । १८ हजार ५ सय ४८ जनाको पीसीआर र एन्टीजेन परीक्षणमा ८ हजार ४६ जनामा संक्रमण पुष्टि भएको हो । यसैगरी निकाे हुनेकाे संख्या पनि हिजाेकाे भन्दा कम रहेकाे छ । मन्त्रालयका अनुसार आज ५ हजार ४ सय ५५ जना निको भएका छन् । हिजाे ६ हजार १ सय १५ जना निकाे भएका थिए ।

यसै गरी गत २४ घण्टामा १ सय ८७ जनाको मृत्यु रेकर्ड थप भएको छ । उक्त संख्या नेपाली सेनाले विभिन्न मितिमा शव व्यवस्थापन गरेकासमेत जोडर भएको हो मन्त्रालयले जनाएकाे छ ।