हर्साेल्लासका साथ छट सम्पन्न (फाेटाे फिचर सहित)

२५ कार्तिक २०७८,झापा (बालदिवश तामाङ) – प्रकृतीको पूजा अराधाना तथा पारीवारिक समृदिसँगै एकता र सत्‌भावका लागि गरिने छठ पूजा आज उदाउँदो सुर्यलाई व्रतालुहरुले अर्घ्य अर्पण गरेपछि सम्पन्न भएको छ । चार दिन अगाडी नहाय खायबाट सुरु भएको छठ पर्व गर्ने व्रतालुहरुले उदाउँदो सुर्यलाई अर्घ्य अर्पण गरेपछि पर्व विधिवतरूपमा सम्पन्न भएको हो । कात्तिक शुक्ल पञ्चमीका दिन रसियाव रोटी खाएर व्रतालुले सुरु गरेको ३६ घण्टे निर्जला व्रत उदाउँदो सुर्यलाई अर्घ्य अर्पणसँगै समापन भएको समापन हुन्छ ।

नदी पोखरी लगायतका स्थानमा बनाइएका छठघाटमा यस बर्ष देशभरका नदि,खाेला, ताल, तलाउ, पाेखरी लगायतका स्थानमा हर्साेल्लासका साथ व्रतालुहरुले विहान ६ बजेर २१ मिनेटको शुभसाहितमा सुर्यलाई अर्घ्य अर्पण गरेका छन् । विगत २ बर्ष देखि अाएकाे विश्व महामारी काेराेना भाइरसका कारण घर परिवारमा सिमित बनेकाे चाड पर्व यस बर्ष नेपालीहरूले खुशीका साथ मनाएका छन् । तथापि तेस्राे भेरियन्ट अाउन सक्ने जाेखिम रहेका भन्दै सवैले स्वास्थ्य मापदण्ड पुरा गरेर मात्र चाडपर्व मनाउँन सरकारले अाग्रह गरेकाे छ । छठ पर्व गर्नाले चर्म रोग निको हुनुको साथै घरपरिवारमा सुःखशान्तिले बास गर्ने, निसन्तानलाई सन्तान प्राप्ती हुने धार्मिक मान्यता रहेको छ ।