प्रदेश एक पालिका स्तरीय दाेस्राे अध्यक्षा कपकाे खेलमा दमक, विर्तामोड र आमचोक विजयी

८ पौष २०७८/सारासन्देश समाचार
झापाको झापा गाउँपालिका वडा नं. ६ शरणामतीमा जारी प्रदेश नम्बर एक पालिका स्तरीय दोश्रो अध्यक्ष कप भलिबल प्रतियोगिताको आज भएको खेलमा दमक, विर्तामोड र आमचोक विजयी भएका छन् । दमकले १–३ सेटको अन्तरमा षडानन्द नगरपालिका भोजपुरलाई हराएर विजयी हात पारेको हो । यस्तै भद्रपुरलाई हराउँदै विर्तामोड विजयी बनेको हो । यसैगरी कमल गाउँपालिकालाई हराउँदै भोजपुर जिल्लाको आमचोक गाउँपालिका विजयी बनेको छ ।

खेलमा दमकमा जोतिप्रकाश लिम्बु, विर्तामोडका विमान खड्का र कमलका सुमन राना मगर म्यान अफ द म्याच घोषित भएका छन् । भोलि सेमिफाइनलका खेलहरु दमक झापा र आमचोक भोजपुर तथा आयोजक झापा र विर्तामोड नगरपालिकाबीच प्रतिस्पर्धा हुने आयोजकले जानकारी दिएको छ । प्रतियोगिताको विजेताले नगद एक लाख एकाउन्न हजार तथा उप–विजेताले नगद एक लाख हात पार्ने छन् ।

जनता माविको खेल मैदानमा भइरहेको खेल प्रतियोगिताको आयोजना झापा गाउँपालिकाले गरेको हो । प्रतियोगितामा एक नम्बर प्रदेशका ५ वटा जिल्लाको १६ टिमले भाग लिएका छन् ।