आजसम्म १ लाख ४५ हजारलाई खोप
२१ माघ २०७७, काठमाडौं– कोभिड- १९ खोप अभियान अन्तर्गत आजसम्म १ लाख ४५ हजार ८ सय ४४ जनालाई खोप लगाइसकिएको स्वास्थ्य तथा जनसंख्या मन्त्रालयले जनाएको छ ।
देशभर सञ्चालन गरिएका २०१ खोप बुथहरुबाट खोप दिइएको र सबैभन्दा बढी बागमती प्रदेशमा ५० हजार ७५० ले खोप प्राप्त गरेको मन्त्रालयको भनाइ छ । यसैगरी कोभिड- १९ रोकथामका लागि शुरु गरिएको खोप अभियानमा ढुक्कसँग सहभागी हुन चिकिसहरुले आग्रह गरेका छन् ।
स्वास्थ्य मन्त्रालयको नियमित पत्रकार सम्मेलनमा काठमाडौं विश्वविद्यालय जनस्वास्थ्य तथा सामुदायिक कार्यक्रम निर्देशक डा. विराज कर्माचार्यले खोपले राम्रो सँग काम गर्न केही समय लाग्ने बताउनु हुँदै कोभिड- १९ का नयाँ प्रजातीहरुमा खोपले राम्रोसँग काम नगर्न सक्ने बताउनुभयो । खोप लगाइसकेपछि पनि स्वास्थ्य सावधानी अपनाउन आग्रह गर्नुभयो ।
