झापाबाट ४० लाख सहित मण्डल पक्राउ
९ श्रावणा २०७८, झापा– स्रोत नखुलेको ४० लाख नेपाली रुपैयाँसहित झापाका एक व्यक्ति पक्राउ परेका छन् । शनिबार मध्यान्ह १२ बजे इलाका प्रहरी कार्यालय कुमरखोदले झापा गाउँपालिका २ बेलाइतिबारीका ५० बर्षीय गौरी मण्डल पक्राउ परेका छन् । भारतबाट लुकीछिपी नेपालतर्फ आउँदै गरेको अवस्थामा प्रहरीले मण्डललाई ४० लाख ३७ हजार ६ सय ७० रुपैयाँसहित नियन्त्रणमा लिएको हो । कुन प्रयोजनका लागि भारतबाट उक्त रकम नेपालतर्फ ल्याउँदै गरेकोबारे केही खुल्न नसकेको प्रहरीले जनाएको छ ।
प्रहरी नायब उपरीक्षक राकेश थापाका अनुसार इलाका प्रहरी कार्यालय कुमरखोदको टोलीले पक्राउ गरेको हाे । प्रहरीले उनी चढेको मोटरसाइकललाई रोकेर चेकिङ गर्नेक्रममा साे रकम भेटिएकाे बताइएकाे छ ।
स्राेत खुल्न नसकेकाे साे रकम हुण्डी कारोबारमा प्रयोग हुनसक्ने आशंका रहेकाे प्रहरीले जनाएकाे छ ।
