शरणार्थी शिविरका बालबालिकालाई व्याग वितरण
१० फाल्गुण २०७८
झापाका भूटानी शरणार्थी शिविरमा अध्ययनरत पूर्व प्राथमिक शिक्षा अध्ययन गर्ने विधार्थीलाई आज एक कार्याक्रमबीच व्याग वितरण गरिएको छ । भूटानी शरणार्थी वेलडाँगी ३ शिविरबाट अमेरिका पुग्नु भएका भूवन आचार्यको अगुवाई खोलिएको एभरेष्ट होम केयर एलएलसीले २ सय २० जना विधार्थीलाई व्याग वितरण गरेको छ ।
साना बालबालिकालाई लक्षित गरी अमेरिकाबाटै दाताहरुको सहयोग शरणार्थी शिविर संचालन हुँदै आएको बाल केन्द्रमा पढ्ने बालबालिकालाई १ लाख १६ हजार ६ सय मुल्य बराबरको व्याग वितरण गरिएको अमेरिकाबाट आउनु भएका संस्थाका सदस्य नाराद खरेलले बताउनु भयो । खेरलका अनुसार संस्थाले अहिले पनि शरणार्थी शिविर र बाहिरका असक्तहरु, बाढी पीडित लगायतमा अझै पनि सहयोग गर्ने कार्य निरन्तर भईरहेको बताउनु भयो ।
भूटानी शरणार्थी शिविरमा दाताहरुले छाड्दै गए पछि त्यहाँका बालबालिकाहरु समूदायको विधालयमा गएर अध्ययन गर्दै आएका छन् भने साना बालबालिकालाई भने दाता र दमक नगरपालिकालेको सहयोग तथा समन्वयमा शरणार्थी शिविर भित्रै संचालन हुँदै आएको विधालयकी प्रिन्सिपल केजाङ तामाङले बताउनु भयो ।
