१७ फाल्गुन २०७७, काठमाडौं– नेपालमा गत २४ घण्टामा ६४ जना संक्रमणमुक्त भएको मन्त्रालयले जनाएको छ । अहिलेसम्म संक्रमणमुक्त हुने २ लाख ७० हजार ४ सय ७१ जना छन् । नेपालमा निको हुने दर ९८ दशमलव ६ प्रतिशत रहेको छ । यस्तै आज थप ७३ जना कोरोना भाइरस संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार देशभरका प्रयोगशालामा ३ हजार ४९ जनाको गरिएको पीसीआर परीक्षणमा ७३ जनामा संक्रमण पुष्टि भएको हो ।

कोरोना संक्रमणबाट गत २४ घण्टामा २ जनाको मृत्यु भएको छ । अहिलेसम्म मृत्यु हुनेको संख्या भने २ हजार ७ सय ७७ रहेको छ ।