नेपालमा आज ४०५ निकाे, ४०३ संक्रमितः ६ जनाकाे मृत्यु
१ माघ २०७७, काठमाडौं– नेपालमा गत २४ घण्टामा ४ सय ५ जना संक्रमणमुक्त भएको मन्त्रालयले जनाएको छ । अहिलेसम्म संक्रमणमुक्त हुने २ लाख ६० हजार १ सय ७७ जना छन् । नेपालमा निको हुने दर ९७ दशमलव ६ प्रतिशत रहेको छ । यसैगरी आज थप ४ सय ३ जना कोरोना भाइरस संक्रमित थपिएका छन् । यता प्रदेश नम्बर एकमा ४ वटा जिल्लामा १५ र एक जना बाहिरकाे गरी १६ जनामा संक्रमण देखा परेकाे सामाजिक विकास मन्त्रालयले जानकारी दिएकाे छ ।
स्वास्थ्य तथा जनसंख्या मन्त्रालयका अनुसार देशभरका प्रयोगशालामा ५०३२ जनाको गरिएको पीसीआर परीक्षणमा ४०३ जनामा संक्रमण पुष्टि भएको हो ।
कोरोना संक्रमणबाट थप ६ जनाको मृत्यु भएको छ । अहिलेसम्म मृत्यु हुनेको संख्या १९४३ रहेको छ ।
