नेपाल आज ४८० निकाे, ३०२ संक्रमित
९ माघ २०७७, काठमाडौं– नेपालमा गत २४ घण्टामा ४ सय ८० जना संक्रमणमुक्त भएको मन्त्रालयले जनाएको छ । अहिलेसम्म संक्रमणमुक्त हुने २ लाख ६३ हजार ३ सय ४८ जना छन् । नेपालमा निको हुने दर ९७ दशमलव ९ प्रतिशत रहेको छ । यस्तै आज थप ३ सय २ जना कोरोना भाइरस संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार देशभरका प्रयोगशालामा ३ हजार ५ सय ४५ जनाको गरिएको पीसीआर परीक्षणमा ३ सय २ जनामा संक्रमण पुष्टि भएको हो ।
कोरोना संक्रमणबाट आज थप ७ जनाको मृत्यु भएको छ । अहिलेसम्म मृत्यु हुनेको संख्या १ हजार ९ सय ८६ रहेको छ ।
