नेपालमा गत २४ घण्टामा ४०१ निकाे, ३३९ संक्रमित
१२ माघ २०७७, काठमाडौं– नेपालमा गत २४ घण्टामा ४ सय १ जना संक्रमणमुक्त भएको मन्त्रालयले जनाएको छ । अहिलेसम्म संक्रमणमुक्त हुने २ लाख ६४ हजार ५ सय ३८ जना छन् । नेपालमा निको हुने दर ९८ दशमलव १ प्रतिशत रहेको छ । यसैगरी आज थप ३ सय ३९ जना कोरोना भाइरस संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार देशभरका प्रयोगशालामा ४ हजार ८ सय ५८ जनाको गरिएको पीसीआर परीक्षणमा ३ सय ३९ जनामा संक्रमण पुष्टि भएको हो ।
यसैगरी गत २४ घण्टामा कोरोना संक्रमणबाट थप १० जनाको मृत्यु भएको छ । अहिलेसम्म मृत्यु हुनेको संख्या २ हजार ११ पुगेकाे छ ।
