नेपालमा आज २९६ जना निकाे, २१३ संक्रमित, मृत्यु हुने संख्या शून्य
१५ माघ २०७७, काठमाडौं- नेपालमा पछिल्लो २४ घण्टामा निको भएका २ सय ९६ जनासहित कोरोनाबाट निको भएका छन् । याे संख्यासँगै निकाे हुनेको कूल सङ्ख्या दुई लाख ६५ हजार ३ सय ६५ पुगेको छ । यस्तै पछिल्लो २४ घण्टामा तीन हजार ७ सय ९१ जनाको पिसिआर परीक्षण गर्दा थप २ सय १३ जनामा कोरोना सङ्क्रमण देखिएको छ ।
स्वास्थ्य तथा जनसङ्ख्या मन्त्रालयका अनुसार २१३ सहित हालसम्म सङ्क्रमित हुनेको कूल सङ्ख्या दुई लाख ७० हजार ५ सय ८८ पुगेको छ ।
नेपालमा पछिल्लो समय दैनिक ५ देखि १० जनासम्मले ज्यान गुमाउँदै अाएकाे भए पनि पछिल्लाे २४ घण्टामा कसैले पनि ज्यान गुमाउनु नपरेकाे स्वास्थ्य तथा जनसङ्ख्या मन्त्रालयले जानकारी दिएकाे छ ।
हालसम्म नेपालमा कोरोनाका कारण मृत्यु हुनेको सङ्ख्या दुई हजार २० पुगेको छ । मन्त्रालयका अनुसार हाल १ सय १३ क्वारेन्टिनमा र २ सय ३ जना संक्रमित आइसोलेशनमा रहेका छन् ।
