0
0
Read Time:1 Minute, 33 Second
१९ असार २०८०, अर्घाखाँची– अर्घाखाँचीको पाणिनी गाउँपालिका–१ गोवनपानीमा आज विहान साढे ६ बजे आएको पहिरोमा परी तीन बालबालिकाको मृत्यु भएको छ । पहिरोले पुरिएका चार बालबालिकामध्ये एकको सकुशल उद्धार भएको र तीनको मृत्यु भएको छ । पाणिनी-१ पणेनाको गोहनपानीमा घरमाथिबाट खसेको पहिरोमा च्यापिएर उनीहरुको मृत्यु भएको हाे । मृत्यु हुनेमा ११ वर्षे अञ्जु रास्कोटी, १० वर्षे धनबहादुर रास्कोटी र १२ वर्षे खुमबहादुर रास्कोटी रहेको स्थानीय अच्युत गौतमले जानकारी दिनुभयो । सकुशल उद्धार गरिएका १४ वर्षे सचिन रास्कोटीलाई उपचारका लागि पाल्पा पठाइएको वडा नं १ का अध्यक्ष कमल पोख्रेलले जानकारी दिनुभयो । घरमा छ जना बस्दै आएकोमा दुई जना गोठको काम गरिरहेका अवस्थामा पहिरो खसेको थियो ।
पहिराे गएकाे स्थान दुर्गम भएकाले पुरिएकाे स्थानबाट निकालेर अस्पताल लानेक्रम मृत्यु भएकाे भए पनि अस्पताल नपुर्याइएकाेले आधिकारिकरुपमा पुष्टि भने भइनसकेकाे जिल्ला प्रहरी कार्यालय अर्घाखाँचीले जानकारी दिएकाे छ ।
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %