घरमै लागु औषध कारोवार गर्ने दुई युवती पक्राऊ
१९ असार २०८०/सारासन्देश समाचार
घरबाटै लागु औषध विक्री वितरण गर्ने दुई युवतीलाई मंगलबार पक्राउ गरिएको छ । शिवसताक्षी नगरपालिका वडा नं. ९ झरना टोल बस्ने २४ बर्षीय झरना विकलाई निजको घरबाटै पक्राउ गरिएको छ । यस्तै कमल गाउँपालिका वडा नं. ३ बस्ने २४ बर्षीय सन्ध्या राईलाई नियन्त्रणमा लिई आवश्यक कार्वाहीका लागि झिलझिले प्रहरी कार्यालय राखिएको छ । विकको घरमा लुकाई राखेको ३ ग्राम ५ सय मिलिग्राम ब्राउन सुगर समेत बरामद गरिएको जिल्ला प्रहरी कार्यालयले जानकारी दिएको छ ।
झापामा पछिल्लो समय प्रहरीको सक्रीयता बढे पनि लागु औषध कारोवार र प्रयोगकर्ता भने थप बढ्दै गएको छ ।
