नेपालमा पछिल्लाे समय संक्रमित भन्दा निकाे हुने बढ्दै
१९ कातिर्क २०७७, काठमाडौं– नेपालमा गत २४ घण्टामा ३ हजार ८ सय ४४ जना निकाे भएका छन् भने ३ हजार ३ सय ९ जना संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार बितेको २४ घण्टामा देशभरका प्रयोगशालामा १३ हजार १ सय ४४ जनाको पीसीआर परीक्षण गर्दा ३ हजार ३ सय ९ जनामा कोरोना भाइरस संक्रमण पुष्टि भएको हो ।
मन्त्रालयका अनुसार अहिलेसम्म डिस्चार्ज हुनेको संख्या १४४८७८ रहेको छ । नेपालमा संक्रमणबाट निकाे हुनेकाे दर पछिल्लाे समय बढ्दै गएकाे छ । पछिल्लाे विवरण अनुसार नेपालमा निको हुनेको दर ७९.२ प्रतिशत रहेको छ । यस्तै पछिल्लाे २४ घण्टामा देशभर ३० जनाको कोरोना संक्रमणबाट मृत्यु भएको छ । स्वास्थ्य तथा जनसंख्या मन्त्रालयका अनुसार नेपालमा कोरोना भाइरसबाट मृत्यु हुनेको संख्या १०३४ पुगेको छ । नेपालमा संक्रमित हुनेहरुमध्ये ०.६ प्रतिशतको ज्यान गएको छ ।
