हेलिकप्टरमा चिल ठोक्किंदा दुर्घटना, चालकले जाेगाए ५ जनाकाे ज्यान
१४ मंसीर २०७७, नुवाकोट- नुवाकोटको दाहालडाँडामा उडिरहेको हेलिकप्टरमा चिल ठोक्किंदा दुर्घटना हुनबाट जोगिएको छ । हेलिकप्टरलाई आकस्मिकरुपमा सुरक्षित अवतरण गराएका कारण ठूलो दुर्घटनाबाट जोगिएको हो ।
वागलुङवाट काठमाडौका लागि पाँच यात्रु लिएर हिंडेको कैलाश एयरको नाइन एन ए जे जे कलसाइन रहेको हेलकप्टर आकाशमा चरासँग ठोक्किएपछि चालकले आकस्मिक अवतरण गरेको जिल्ला प्रहरी कार्यालय नुवाकोटले जनाएको छ ।
चालक दीपक गर्वुजाले उडाइरहेको सो हेलिकप्टरमा चिल ठोक्किएपछि अगाडिको भागमा क्षति पुगेको छ । एक जना यात्रु वागलुङको गलकोट नपा–३ का २९ वर्षिय वीरजंग भण्डारी सामान्य घाइते भएका छन् ।
घाइते यात्रु भण्डारीको हात र खुट्टामा चोट लागेको छ । स्थानीयवासी तथा सुरक्षाकर्मीले उद्धार गरेका थिए भने हेलिकप्टर घटनास्थलमै रहेको छ ।
Photo and news taken from nepaltvonline.com
