आज १४०४ निकाे, १२५५ संक्रमित थपिए
१४ मंसीर २०७७, काठमाडौं- नेपालमा पछिल्लो चौबीस घण्टामा १ हजार ४ सय ४ जना सङ्क्रमित निको भएका छन् । यस्तै आज थप १ हजार २ सय ५५ जना कोरोना भाइरस संक्रमित थपिएका छन् । योसँगै कुल संक्रमितको संख्या २ लाख ३१ हजार ९ सय ७८ पुगेको छ ।
स्वास्थ्य तथा जनसंख्या मन्त्रालयले कोभिड–१९ सम्बन्धी विवरण अद्यावधिक गर्दै देशभरका प्रयोगशालामा ९ हजार ३ सय ६८ जनाको पीसीआर परीक्षणमा १ हजार २ सय ५५ जनामा संक्रमण पुष्टी भएको जनाएको हो । हालसम्म सक्रिय संक्रमितको संख्या १७ हजार ९ सय ९ जना रहेका छन् ।
मन्त्रालयका अनुसार हालसम्म २ लाख १२ हजार २ सय ५९ जना सङ्क्रमित निको भइसकेका छन् ।
यसैगरी मन्त्रालयले पछिल्लो चौबीस घण्टामा २५ जना सङ्क्रमितको मृत्यु भएको उल्लेख गरेको छ । योसँगै नेपालमा कोरोना सङ्क्रमणबाट १ हजार ४ सय ७९ जनाको मृत्यु भएको छ ।
