नेपालमा आज ७७ संक्रमित, १८९ निकाेः १ जनाकाे मृत्यु
२७ फाल्गुन २०७८,काठमाडौं–नेपालमा गत २४ घण्टामा ७७ जनामा कोरोना भाइरस संक्रमण देखिएकाे छ । स्वास्थ्य तथा जनसंख्या मन्त्रालयका अनुसार ७ हजार ९ सय ८१ जनामा गरिएको नमूना परीक्षणमा ७७ जनामा संक्रमण पुष्टी भएको हो । यसैगरी पछिल्लाे २४ घण्टामा १ सय ८९ जना संक्रमणमुक्त भएका छन् । यस्तै पछिल्लाे २४ घण्टामा १ जनाकाे ज्यान गएकाे छ । हालसम्म काेराेनाका कारण नेपालमा मृत्यु हुनेकाे संख्या ११ हजार ९ सय ५० जना पुगेकाे छ । नेपालमा सक्रिय संक्रमितको संख्या ५ हजार २ सय १२ जनामा झरेकाे छ ।
