नेपालमा आज ७२ निकाे, ७८ संक्रमित
१८ फाल्गुन २०७७, काठमाडौं– नेपालमा आज गत २४ घण्टामा ७२ जना संक्रमणमुक्त भएको मन्त्रालयले जनाएको छ । अहिलेसम्म संक्रमणमुक्त हुने २ लाख ७० हजार ५ सय ४३ जना छन् । नेपालमा निको हुने दर ९८ दशमलव ६ प्रतिशत रहेको छ । यस्तै थप ७८ जना कोरोना भाइरस संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार देशभरका प्रयोगशालामा ४ हजार १ सय २७ जनाको गरिएको पीसीआर परीक्षणमा ७८ जनामा संक्रमण पुष्टि भएको हो ।
कोरोना संक्रमणबाट नेपालमा गत २४ घण्टामा कसैले पनि ज्यान गुमाउनु परेन । अहिलेसम्म मृत्यु हुनेको संख्या भने २ हजार ७ सय ७७ रहेको छ ।
