झापामा एकै दिन दुर्घटनामा तीन जनाको मृत्यु
१ पुस २०८१ /झापा
झापाको दमकमा गए राती मोटर साईकल दुर्घटना हुँदा दुई जनाको मृत्यु भएको छ ।
दमक वडा नं. १० को सेतुमारी चौक नजिकै भित्री सडकमा प्रदेश नं. १–०१–०१५ प १७९३ नम्बरको मोटर साईकल बालुबथान तर्फ जाँदै गर्दा आफै अनियन्त्रित भई दुर्घटनामा परेको थियो । गए राती करिव सवा १० बजे तिर भएको दुघर्टनामा परी गौरादह नगरपालिका वडा नं. ५ की ३२ बर्षीय जमुना धिमाल र २५ बर्षीय ओमकुमारी राईकाे मृत्यु भएकाे हाे ।
उनीहरुको उपचारकोक्रममा दमक अस्पतालमा मृत्यु भएको बताइएको छ । मोटर साईकल चालक रतुवामाइ नगरपालिका वडा नं. ८ का विराज थापाको भने विर्तामोड स्थित बीएण्डसी अस्पतालमा उपचार भइरहेको जिल्ला प्रहरी कार्यालय झापाले जानकारी दिएको छ ।
यस्तै झापा शिवसताक्षी नगरपालिका वडा नम्बर-१० किरात चोक स्थित पुर्वपश्चिम राजमार्गमा सुरुङ्गाबाट झिलझिले जादै गरेको को २ त ४१४५ नम्बरको ट्याक्टर रोकि राखेको अवस्थामा सोही दिशातर्फ जादै गरेको मे ९ प ६२४ नम्बरको मोटरसाईकल ट्याक्टरमा पछाडीबाट ठक्कर खाई दुर्घटना हुँदा मोटरसाईकल चालककाे मृत्यु भएकाे छ । मृत्यु हुनेमा मेची नगरपालिका वडा नम्बर-५ बस्ने बर्ष-४२ को सन्तोष कुमार लिम्बु रहेकाे बताइएकाे छ । उनकाे टाउकोमा चोट लागी उपचरकाेक्रममा बीएण्ड सी अस्पताल बिर्तामोड पुर्याउन साथ चिकित्सकले मृत घोषणा गरेकाे थियाे ।
