६ दिनमा १९ हजार ३ सय ९१ जनाले जिते कोरोनालाई
पछिल्लाे २४ घण्टामा २३६४ संक्रमित
१३ कातिर्क २०७७, काठमाडौं– गएकाे ६ दिन यता संक्रमण हुने भन्दा निकाे हुनेकाे संख्या बढेकाे छ । ६ दिनमा १९ हजार ३ सय ९१ जनाले कोरोनालाई जितेका छन् । विगत ६ दिनमा ११ हजार १ सय ४० जना संक्रिमत भएका छन् । गत २४ घण्टामा देशभर २ हजार ३ सय ६४ जना संक्रमित भएका छन् ।
स्वास्थ्य तथा जनसंख्या मन्त्रालयका अनुसार बितेको २४ घण्टामा देशभरका प्रयोगशालामा ९ हजार ७ सय ६९ जनाको पीसीआर परीक्षण गर्दा २ हजार ३ सय ६४ जनामा कोरोना भाइरस संक्रमण पुष्टि भएको हो ।
मन्त्रालयका अनुसार पछिल्लो २४ घण्टामा ३ हजार ३८ जनाले जना डिस्चार्ज भएका छन् । संक्रमितमध्ये ७५ प्रतिशत निको भएका छन् । अहिलेसम्म डिस्चार्ज हुनेको संख्या १ लाख २४ हजार ८ सय ६२ रहेको छ । नेपालमा निको हुनेको दर ७५.८ प्रतिशत रहेको छ ।
कोरोनाबाट थप १७ जनाको मृत्यु
देशभर पछिल्लो २४ घण्टामा १७ जनाको कोरोना संक्रमणबाट मृत्यु भएको छ । स्वास्थ्य तथा जनसंख्या मन्त्रालयका अनुसार नेपालमा कोरोना भाइरसबाट मृत्यु हुनेको संख्या ९ सय ४ पुगेको छ । नेपालमा संक्रमित हुनेहरुमध्ये ०.६ प्रतिशतको ज्यान गएको छ ।
