संक्रमित भन्दा निकाे हुने बढ्दै, नेपालमा १ लाख ३४ हजारले जिते काेराेना
थप २३ जनाकाे मृत्यु
१६ कार्तिक २०७७, काठमाडौं– नेपालमा पछिल्लाे २४ घण्टामा संक्रमित भन्दा निकाे हुने धेरै रहेका छन् । २ हजार ८ सय २४ जना संक्रमित भएका छन् भने ३ हजार ६ सय २० जना निकाे भएका छन् ।
स्वास्थ्य तथा जनसंख्या मन्त्रालयका अनुसार बितेको २४ घण्टामा देशभरका प्रयोगशालामा १३ हजार २३ जनाको पीसीआर परीक्षण गर्दा २ हजार ८ सय २४ जनामा कोरोना भाइरस संक्रमण पुष्टि भएको हो ।
अहिलेसम्म डिस्चार्ज हुनेको संख्या १ लाख ३४ हजार ८ सय ४२ रहेको छ । नेपालमा निको हुनेको दर ७७.७ प्रतिशत रहेको छ । यस्तै पछिल्लाे २४ घण्टामा २३ जनाकाे मृत्यु भएकाे छ । स्वास्थ्य तथा जनसंख्या मन्त्रालयका अनुसार नेपालमा कोरोना भाइरसबाट मृत्यु हुनेको संख्या ९ सय ६० पुगेको छ । नेपालमा संक्रमित हुनेहरुमध्ये ०.५ प्रतिशतको ज्यान गएको छ ।
