अझै रोकिएन नदिबाट हुने काठ तस्करी

१७ भदौ २०७८ सारा सन्देश समाचार

झापाको कन्काई नदिमा बाढी आएको मौका छोपी नदिबाट काठ चोरी तस्करी गर्ने कार्य रोकिन सकेको छैन । यस अघि ठूलो परिमाणमा काठ पक्राउ गरेको भए पनि बाढीको मौका छोपी गरिने तस्करी अझै नरोकिएको नदि किनाराका बासिन्दाले बताएका छन् । नदिमा जब बाढी ठूलो आउँछ अनि काठ तस्कर गर्नेहरुले मौका छोप्ने गर्छन् । बाढीको समय प्रहरी प्रशासन समेत आइनपुग्ने भएका कारण ठूलो बाढी आउँदा लकडी तथा चिरानी काठको तस्कर हुने गरेको छ । तथापि सूचना आएसम्म आफूहरुले नदिबाट हुने अवैध कार्य रोक्न हदैसम्म खट्ने गरेको कन्काई सव डिभिजन कार्यालय झापाका प्रमुख सहायक बन अधिकृत दिनेश प्रसाद यादवले बताउनु भयो ।

एक महिना अघि मात्रै शसस्त्र प्रहरी सहित बन सुरक्षाकर्मीले नदिबाट बगाएर ल्याइएका बजार मुल्य अनुसार १८ लाख बढीको काठ तथा लकडी बरामद गरेको थियो । काठ बरामद गरे पनि तस्करीहरु पक्राउ नहुँदा बारम्बार नदिबाट लकडी ओसार्ने कार्य पूर्णरुपमा नरोकिएको रेन्जर राजेश घिमिरेले बताउनु भयो ।
ठूलो बाढीमा विना उपकरण गएर पक्राउ गर्न बन रक्षकलाई समेत समस्या हुने गरेको छ । तर थाहा पाउँदा रातको समय पनि नभनी आफूहरुले काठ तस्करी गर्ने कार्यलाई नियन्त्रण गर्ने प्रयास गरेको रेन्जर घिमिरेले बताउनु भयो । नदिबाट ठूल्ठूला लकडी तथा महँगा प्रजातिका चिरानी काठ समेत तस्करी हुने गरेको छ । बन रक्षकसँग आवश्यक साधान र उपकरण नहुँदा नदिमा हुने तस्करी रोक्न समस्या हुने गरेको उनीहरुले बताएका छन् ।

भिडियाे हेर्नका लागि तलकाे लिंक थिच्नुहाेस् ।