चीनबाट १० भेराेसेल खाेप आइपुग्याेः नेपालमा हालसम्म १ कराेड ५४ लाख डाेज खाेप लगाइयाे
१० कार्तिक २०७८,काठमाडौं- चीनबाट आज थप १० लाख २० हजार डोज भेरोसेल खोप नेपाल आइपुगेको छ । स्वास्थ्य सेवा विभाग खोप आपूर्ति व्यवस्थापन महाशाखा प्रमुख उपेन्द्र ढुङ्गानाका अनुसार कोभ्याक्ससँगको कस्ट–सेयरिङमा सरकारले खरिद गरेको कोभिडविरुद्धको खोप आज बिहान नेपाल आइपुगेको हो।
सरकारले कोभ्याक्ससँग कस्ट–सेयरिङमा ५९ लाख डोज खोप किन्ने सम्झौता गरेको थियो । सोही अनुसार पहिलो चरणमा आज १० लाख २० हजार डोज खोप आएको ढुङ्गानाले बताउनुभयो । खोपलाई टेकुस्थित भण्डारणमा राखिने छ ।
यसअघि पनि चीनबाट नेपाल सरकारले अनुदान सहयोग र खरिद गरेर कुल १ करोड २० लाख डोज भेरोसेल खोप प्राप्त गरिसकेको उहाँले बताउनुभयो ।
नेपालमा खाेप अभियान शुरू भएकाे २०७७ साल माघ १४ गते यता १ कराेड ५४ लाख १९ हजार ४ सय ५ डाेज खाेल लगाइएकाे छ । जस मध्ये ८६ लाख ४९ हजार २ सय ५१ जनाले पहिलाे मात्रा लगाएका छन् । यस्तै ६७ लाख ७० हजार १ सय ५४ जना पूर्ण मात्रा खाेप लगाइसकेकाे स्वास्थ्य मन्त्रालयले जानकारी दिएकाे छ ।
