प्रथम वडा अध्यक्ष कपको आजको खेलमा सामाजिक फुटवल क्लव काठमाण्डौं विजयी (फोटो फिचर सहित)

७ पुस २०७८/पर्वत तामाङ
झापाको दमक नगरपालिकामा जारी प्रथम वडा अध्यक्ष कप २०७८ को आज भएको खेलमा दमक फुटवल क्लवलाई शून्यको विरुद्ध १ गोल गर्दै सामाजिक फुटवल क्लव काठमाण्डौंले विजय हात पारेको छ । खेलको ३४ आंै मिनेटमा विजयी टीमको तर्फबाट टीम क्याप्टेन समेत रहेका क्रिजल खड्काले गोल गरेका थिए । प्रतिस्पर्धात्मकरुपमा भएको खेलमा हाफ समय पछि कतै पनि गोल हुन नसके पछि क्रिजलको गोल नै निणार्यक गोल बन्न पुग्यो ।

खेलमा विजयी टीमका गोल कर्ता जर्सी नम्बर ९ का क्रिजल खड्का म्यान अफ द म्याच घोषित भएका छन् । भोलि पहिलो सेमी फाईनलको खेल पथरी स्पोर्टिङ्ग क्लव मोरङ्ग र मंगलबारे ११ मोरङ्गबीच प्रतिस्पर्धा हुने खेलका सहायक रेफ्री खेम श्रेष्ठले जानकारी दिनु भयो । आगामी ११ गतेसम्म हुने खेलमा विजेताले १ लाख ११ हजार र उपविजेताले ५५ हजार नगद सहित ट्रफी, मेडल प्राप्त गर्ने खेल समितिका संयोजक कार्याक्रमका सभापति दमक नगरपालिका वडा नं. ३ का अध्यक्ष नविन बराले बताउनु भयो ।