नेपालमा आज ४७६ संक्रमित,८३१ निकाेः ३ जनाकाे मृत्यु

१० फाल्गुन २०७८,काठमाडौं– नेपालमा केही दिन यता संक्रमणकाे संख्या घट्न थालेकाे छ । नेपालमा गत २४ घण्टामा ४ सय ७६ जनामा कोरोना भाइरस संक्रमण थपिएका छन् । स्वास्थ्य तथा जनसंख्या मन्त्रालयका अनुसार ९ हजार ४ सय २४ जनामा गरिएको नमूना परीक्षणमा ४ सय ७६ जनामा संक्रमण पुष्टी भएको हो । यसैगरी पछिल्लाे २४ घण्टामा  ८ सय ३१ जना संक्रमणमुक्त भएका छन् । यस्तै पछिल्लाे २४ घण्टामा ३ जनाको मृत्यु भएको छ । याेसँगै नेपालमा हालसम्म काेराेनाका कारण मृत्यु हुनेकाे संख्या ११ हजार ९ सय २८ जना पुगेकाे छ । नेपालमा सक्रिय संक्रमितको संख्या १० हजार ७ सय ४७ जनामा झरेकाे छ ।