प्रदेश स्तरीय कमल अध्यक्ष कपको फाइनलमा टेम्के धरान प्रवेश

२९ फाल्गुण २०७८/डिकेश लामा
झापाको कमल गाउँपालिकामा जारी प्रदेश स्तरीय प्रथम अध्यक्ष फुटवल कपको फाइनलमा सुनसरीको टेम्के फुटवल क्लब प्रवेश गरेको छ । निर्धारित समयमा १–१ गोलको बराबरी परिमाणमा खेल समाप्त भए पछि ट्राइवेकरमा टेम्केले २ गोलको विरुद्ध ४ गोल गर्दै फाइनलको यात्रा तय गरेको हो ।
खेलमा टेम्के धरानका तर्फबाट खेल भएको १७ आंै मिनेटमा मनिस चेम्जोङ्गले पहिलो गोल गरेका थिए । यस्तै यता रेडहर्स इलामको तर्फबाट जवाफी गोलको रुपमा खेलको ५५ औं मिनेटमा मनिष थापाले गोल फर्काएका थिए । निर्धारित समयमा बराबरी भए पछि ट्राइवेकरबाट टेम्के धरानले फाइनले खेल्ने अवसर प्राप्त गरेको हो ।

भोलि धुलाबारी झापाले सेमिफाइनलको दोस्रो खेलमा शसस्त्र प्रहरी पकली सुनसरीसँग भिड्ने आयोजक कमल गाउँपालिका खेलकुद विकास समितिले जानकारी दिएको छ ।
खेलमा झापा, मोरङ्ग, सुनसरी, इलाम, धनकुटा र झापाका ८ वटा टीमको सहभागिता रहेको छ । खेलमा विजयी टिमले २ लाख र उपविजेता टिमले १ लाख नगद सहित ट्रफी र मेडल प्राप्त गर्ने खेल संयोजक तेजकुमार राईले बताउनु भयो ।