झापा गाउँपालिकामा सबै पार्टी गरे एकैस्थानबाट गरे फरक फरक विकासका कुरा

शिक्षा, स्वास्थ्य, कृषि, विद्युत् र सडक उम्मेदवारका प्रमुख एजेन्डा

१६ वैशाख २०७९, सारासन्देश समाचार– जिल्लाको मध्यदक्षिणी सीमावर्ती पालिका झापा गाउँपालिकामा विभिन्न दल र स्वतन्त्र रुपमा अध्यक्ष र उपाध्यक्षका उम्मेदवार बनेकाहरुले शुक्रवार एकैथलोमा उपस्थित भएर आफ्नो उम्मेदवारीको औचित्य प्रस्तुत गरेका छन् ।
कुमरखोदस्थित रेडक्रस भवनमा संवाद समूहको संयोजनमा भएको छलफलमा स्थानीय तह निर्वाचनका लागि उम्मेदवार बनेका उनीहरुले आफ्नो उम्मेदवारीसँगै विजयी हासिल गरे काम गर्ने सूचीसहितको प्रतिबद्धता जनाएका छन् । अधिकांश उम्मेदवारले स्रोत साधनको दृष्टि तथा भौगोलिक रुपमा पनि पछाडि परेको झापा गाउँपालिकालाई समृद्ध बनाउने योजना सार्वजनिक गरेका छन् । उनीहरुले स्वास्थ्य, शिक्षा, कृषि, आवास, सडक लगायतका विषयलाई प्राथमिकता दिएका छन् ।
नेकपा एमालेबाट अध्यक्ष पदका उम्मेदवार गौरीशंकर राजवंशीले कृषकलाई समयमै मल र वीऊ उपलब्ध गराउने, सुशासन कायम गर्ने, शिक्षा र स्वास्थ्यमा टेवा पु¥याउने, पालिकाका बासिन्दाको स्वास्थ्य बीमा गर्ने लगायतका योजना बताउनु भयाे ।
नेपाली कांग्रेसबाट अध्यक्षका उम्मेदवार जयनारायण साहले वितेको ५ बर्षमा आफूले सुरु गरेका योजनालाई पूरा गर्ने, निःशुल्क शिक्षा, एक सय युनिटसम्म विद्युत् निःशुल्क, नदी तटबन्ध, सडक कालोपत्रे, सिञ्चाईको लागि प्रयोग भएको विद्युत्को महशुलमा अनुदान, गुणस्तरीय स्वास्थ्य लगायतका योजनाका साथ आफ्नो उम्मेदवारी प्रस्तुत गरेकाे दावी गर्नु भयाे ।

यस्तै यता नेकपा माओवादी केन्द्रबाट अध्यक्ष पदका उम्मेदवार रुद्र बजगाँईले पालिकाको आन्तरिक स्रोतसँगै बजेटको बृद्धि, रानी वनलाई पर्यटकीय क्षेत्र, शिक्षा, स्वास्थ्य कृषि, दिगो विकास निर्माण लगायतका योजना अघि बढाउने बताउनु भयाे ।  ।
जनता समाजवादी पार्टीबाट अध्यक्ष पदका उम्मेदवार मोतीलाल कामतीले भ्रष्टाचार निर्मूल गर्ने, स्रोतको खोजी गरी पालिकालाई समृद्ध बनाउने लगायतका योजना सार्वजनिक गरेका छन् । त्यस्तै राष्ट्रिय प्रजातन्त्र पार्टी (राप्रपा) बाट अध्यक्ष पदका उम्मेदवार चन्द्रबहादुर कार्की, जनमत पार्टीबाट अध्यक्ष पदका उम्मेदवार लोथ्रो हेमरम र स्वतन्त्र रुपमा अध्यक्ष उम्मेदवार लक्ष्मीप्रसाद गणेशले पनि कृषि, शिक्षा, स्वास्थ्य लगायतका विषयलाई आफ्नो चुनावी एजेन्डा बनाएका छन् ।
त्यस्तै गाउँपालिकाको उपाध्यक्ष पदका उम्मेदवार नेकपा एमालेकी देवीमाया अधिकारी, नेकपा माओवादी केन्द्रकी मुनावती गणेश र नेकपा एकीकृत समाजवादी पार्टीका ईश्वरप्रसाद दाहालले सुशासन र व्यवस्था बलियो बनाउन उम्मेदवार बनेको बताएका छन् ।
छलफलमा सहभागी उम्मेदवारहरुले निर्वाचन शान्तिपूर्ण रुपमा सम्पन्न गर्न झापाको झापा गाउँपालिकाका उम्मेदवारहरुले सात बुंदे प्रतिवद्धता समेत जनाएका छन् ।
यस्तै आसन्न बैशाख ३० को स्थानीय तहको निर्वाचन शान्तिपूर्ण रुपमा सम्पन्न गर्न झापाको झापा गाउँपालिकाका उम्मेदवारहरुले सात बुंदे प्रतिवद्धता समेत जनाएका छन् । संवाद समूह झापाको संयोजनमा शुक्रबार कुमरखोदमा भएको छलफलमा सहभागी उम्मेदवारले बैशाख ३० को स्थानीय तहको निर्वाचनलाई शान्तिपूर्ण, उत्साहजनक जनसहभागिता र व्यवस्थित रुपमा सम्पन्न गराउन सहयोगी सकारात्मक भूमिका निर्वाह गर्ने प्रतिवद्धता व्यक्त गरेका हुन् । गाउँपालिकाको अध्यक्ष तथा उपाध्यक्ष पदका उम्मेदवारहरुले निर्वाचन आचार–संहिता पूर्ण पालना गर्ने, कुनै पनि चुनावी एवं राजनीतिक गतिविधिमा बालबालिकाको प्रयोग नगर्ने, आफ्ना गतिविधिलाई शान्तिपूर्ण र मर्यादित बनाउदै निर्वाचनलाई द्वन्द्वरहित बनाउने प्रतिवद्धता व्यक्त गरेका छन् ।