बिर्तामोड नगरपालिकामा एमाले विजयी

६ जेठ २०७९, सारासन्देश समाचार– झापाको बिर्तामोड नगरपालिकाको प्रमुख र उपप्रमुखमा नेकपा एमालेका उम्मेदवार विजयी भएका छन् । नगर प्रमुखमा पवित्रादेवि महतरा प्रसाईं र उपप्रमुखमा नगेन्द्रप्रसाद संग्रौला विजयी भएका हुन । उहाँ यस अघि साेही नगरपालिकाकाे उपप्रमुख पदमा हुनु हुन्थ्याे ।
महतराले १६ हजार ५ सय २० मत प्राप्त गर्दा निकटतम प्रतिद्वन्दी नेपाली कांग्रेसका उम्मेदवार भोजराज सिटौलाले १२ हजार ७ सय ६२ मत मात्र प्राप्त गरेका छन् ।
उपप्रमुखमा संग्रौलाले १५ हजार ५ सय ८६ प्राप्त गरेका छन् ।  निकटतम प्रतिद्वन्दी नेकपा माओवादी केन्द्रका उम्मेदवार सिपी कडरियाले ८ हजार ४ सय ५१ मत प्राप्त गरेका छन् ।
बिर्तामोड १,२,३,४,७ र ९ को वडाध्यक्षमा नेकपा एमालेले जितेको छ । वडा नम्बर ५,६ र १० मा नेपाली कांग्रेसका वडाध्यक्ष विजयी भएका छन । वडा नम्बर ८ मा राप्रपाले जितेको छ ।