नेपालमा शुक्रबारसम्म ४६ हजार बढीले लगाए काेराेना विरूद्ध खाेप
१६ माघ २०७७, काठमाडौं– कोरोना भाइरस (कोभिड १९) विरुद्धको खोप अभियानको तेस्रो दिनसम्ममा देशभर ४६ हजार भन्दा बढीले खोप लगाएका छन् ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले शुक्रबार एक प्रेस विज्ञप्ति जारी गर्दै ७७ जिल्लाका १ सय ६९ खोप केन्द्रबाट ४६ हजार १ सय ७९ जना स्वास्थ्यकर्मी तथा अग्रपंक्तीमा खटिनेहरूले खोप लगाएको जानकारी दिइएकाे छ ।
प्रदेश १ मा ७ हजार ३ सय ६९, प्रदेश २ मा ४ हजार ६ सय ५०, वाग्मती प्रदेश मा १५ हजार ६ सय ४१, गण्डकी प्रदेशमा ७ हजार १ सय ५३, लुम्बिनी प्रदेशमा ४ हजार ६ सय ३५, कर्णाली प्रदेशमा २ हजार ९ सय ६६ र सुदूरपश्चिम प्रदेशमा ३ हजार ७ सय ८३ जनाले खोप लगाएको मन्त्रालयले जनाएको छ ।
प्रवक्ता डा. गौतमले शुक्रबारसम्म खोप लगाएका व्यक्तिहरुमा सामान्य असरहरु देखिएको तथ्यांक प्राप्त भएपनि चिकित्सकहरुको प्रतिवेदन अनुसार ती सबै व्यक्तिहरुमा देखिएका असरहरु केही समय पश्चात आफैं निको भएको बताइएकाे छ ।
बुधबारदेखि सुरु भएको खोप अभियानअन्तर्गत पहिलो दिन ९ हजार ८४ र दोस्रो दिन बिहीबार १९ हजार ६ सय ४८ जनाले खोप लगाइएकाे मन्त्रालयले उल्लेख गरेकाे छ ।
