नेपालमा आज १०४ जना संक्रमितः २ जनाकाे मृत्यु

२६ भदाै २०७९,काठमाडौं- नेपालमा पछिल्लो २४ घण्टामा थप १ सय ४ जनामा कोरोना भाइरस सङ्क्रमण पुष्टि भएको छ  । ३ हजार ५ सय ८७ जनाको नमूना परीक्षण गर्दा साे संख्यामा भाइरस संक्रमण देखा परेकाे हाे । केही समय यता काेराेना भाइरस संक्रमण संख्या केही घट्न थालेकाे छ । सो अवधिमा २ सय १ जना सङ्क्रमणमुक्त भएका छन् । नेपालमा पछिल्लाे समय सक्रीय संक्रमितकाे संख्या २ हजार ३ सय १६ रहेकाे छ  । यसैगरी पछिल्लाे २४ घण्टामा काेराेना संक्रमणका कारण २ जनाले ज्यान गुमाउनु परेकाे छ । नेपालमा काेराेनाका कारण हालसम्म मृत्यु हुनेकाे संख्या १२ हजार १४ जना पुगेकाे छ ।