उचित नश्ल र दानाको अभावले माछा पालनमा समस्या

राष्ट्रिय कृषि आधुनिकीकरण कार्याक्रम मार्फत अघिल्लो बर्ष देखि माछा जोन कार्याक्रम संचालन गरे पछि किसानहरु अनुदानका कारण केही आकार्षित भएका छन् । कार्यक्रमले माछा पालक किसानलाई अनुदान उपलव्ध गराए पछि केही राहत पुगेको गौरीगंज गाउँपालिका वडा नं. ३ का किसान दिपक श्रेष्ठले बताउनु भयो ।

झापामा ३ सय ६५ हेक्टरमा माछा उत्पादन हुँदै आएको छ । तर माछाको बृद्धि दर भने न्यून रहेको छ । उचित नश्लको अभावले माछाको बृद्धिमा देशभर समस्या रहेकाले यसको सुधारमा काम गर्न थालिएको भेटरीनरी अस्पताल तथा पशु सेवा विज्ञ केन्द्र मोरङका मत्स्य प्राविधिक लाक्पा भुटियाले बताउनु भयो ।

जिल्लाको कमल, गौरादह, गौरीगंज र शिवसताक्षी गरी ४ वटा पालिकामा माछा जोन कार्यक्रमका हुँदै आएको छ । तर माछाका लागि उचित दाना र भुरा नहुँदा अझै पनि किसान समस्यामा रहेको उनीहरुको भनाइ छ ।