नेपालमा अहिलेसम्मकै उच्च ७६६० संक्रमितः ५५ जनाकाे मृत्यु

२१ वैशाख २०७८,काठमाडौं– नेपालमा नेपालमा आज हालसम्मकै सवै भन्दा संक्रमण र मृत्यु संख्या बढेकाे छ । दाेस्राे भेरियन्टकाे कोरोना संक्रमणमा दैनिक नयाँ रेकर्ड कायम हुन थालेको हाे । पछिल्लाे २४ घण्टामा अहिलेसम्मकै धेरै ७ हजार ६ सय ६० जना संक्रमित भएका छन् । यस्तै याे अवधिमा ५५ जनाकाे मृत्यु समेत भएकाे छ । जुन संख्या अहिलेसम्मकै सवै भन्दा उच्च भएकाे बताइएकाे छ । हालसम्म मृत्यु हुनेको संख्या ३ हजार ४ सय १७ रहेको छ ।

स्वास्थ्य तथा जनसंख्या मन्त्रालयका अनुसार गत २४ घण्टामा १६ हजार १ सय ३१ जनाको पीसीआर र ५७१ जनाको एन्टिजेन परीक्षणमा ७ हजार ६ सय ६० जना संक्रमित भएका हुन् । यस अवधिमा १ हजार ७ सय ७५ जना निको भएको मन्त्रालयले जनाएको छ । नेपालमा अहिलेसम्म ८२ प्रतिशत निको भएका छन् ।