नेपाल पुन संक्रमण बढ्याे, आज एकै दिन ९२४७ जना संक्रमित
३ जेष्ठ २०७८,काठमाडौं– गएकाे ३ दिन संक्रमण संख्यामा कमी आए पनि पुन आज कोरोना संक्रमण संख्या बढेकाे छ । आज ९ हजार २ सय ४७ जनामा काेराेना संक्रमण देखा परेकाे छ ।
२२ हजार ८७ जनाको पीसीआर र एन्टीजेन परीक्षणमा ९ हजार २ सय ४७ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
२४ घण्टामा ५ हजार ७ सय ६७ जना संक्रमणमुक्त भएको मन्त्रालयले जनाएको छ । नेपालमा संक्रमणमुक्त भएको दर ७४ दशमलव ४ प्रतिशत रहेकाे छ । अहिलेसम्म ३ लाख ४५ हजार ५ सय २३ जना संक्रमणमुक्त भएका छन् ।
मन्त्रालयका अनुसार नेपाली सेनाले विभिन्न मितिमा गरेको शव व्यवस्थापन गरेको विवरणसमेत समायोजन गर्दा गएको २४ घण्टामा २ सय १४ जनाको मृत्यु भएको छ । अहिलेसम्म मृत्यु हुनेको संख्या ५ हजार २ सय १५ जना पुगेको छ ।
