२१ लाखले लगाए कोरोना विरूद्धकाे खोप
१८ जेष्ठ २०७८, काठमाडौँ– चीनले अनुदानमा दिएको कोरोना विरुद्धको खोप मंगलबार नेपाल आइपुगेको छ । चीनबाट पठाइएको ८ लाख डोज भेरोसेल खोप नेपाल एयरलाइन्सको विमानमार्फत काठमाडौं आइपुगेको हो
राष्ट्रपति विद्यादेवी भण्डारीसँग जेठ १३ गते भएको टेलिफोन संवादमा चिनियाँ राष्ट्रपति सी चिनफिङले थप खोप सहयोग गर्ने घोषणा गरेका थिए, त्यसमध्ये ८ लाख मात्रा मंगलबार नेपाल आइपुगेको हो । चिनियाँ सरकारले नेपाली दूतावासलाई हस्तान्तरण गरेको उक्त खोप दूतावासले नेपाल एयरलाइन्सको विमानमा नेपाल पठाएको हो ।
यसैगरी हालसम्म नेपालमा कोरोनाविरुद्धको खोप लगाउने संख्या २१ लाख नाघेको छ । नेपालमा अहिले भारतमा निर्माणा गरिएकाे कोभिसिल्ड र चीनमा निर्मित भेरोसेल खोप लगाइएको छ । स्वास्थ्य तथा जनसंख्या मन्त्रालका अनुसार २१ लाख १३ हजार ८० जनाले पहिलो डोज र ७ लाख १४ हजार १ सय ६३ जनाले दोस्रो डोज लगाएका छन् ।