हात्तीको आक्रमणबाट दमकमा एकजनाकाे मृत्यु

१२ माघ २०७८/सारासन्देश समाचार

झापाको दमकमा रहेको हंसेदुम्से सामुदायिक बन क्षेत्रमा जंगली हात्तीको आक्रमणबाट एक जनाको मृत्यु भएको छ । दमकको वडा नं. ३ को रन्धोज चौक नजिकै कुलोमा पानी लगाउन जानेक्रममा दमक ३ निवासी ६३ बर्षीय गणेश प्रसाद अधिकारीको ज्यान गएको जिल्ला प्रहरी कार्यालय झापाले आज जारी सूचनामा उल्लेख्य गरेको छ ।
गए राती ९ः१५ बजेको समयमा जंगल नजिकको बाटोमा निस्किएको हात्तीले खेतमा पानी लाउन हिडेका अधिकारीलाई लछारपछार पार्दा उहाँको घटना स्थलमै ज्यान गएको प्रहरीले जानकारी दिएको छ । पछिल्लो समय दमकको एक मात्र ठूलो हंसे दुम्से सामुदायिक बन क्षेत्रमा नियमित जस्तो हात्ती आउने गरेको स्थानीयले बताएका छन् । हात्तीले ३ महिना यता जिल्लामा ३ जनाको ज्यान लिइसकेको छ ।