नेपाल आज ३५० संक्रमित, १२७२ निकाेः ४ जनाकाे मृत्यु
७ फाल्गुन २०७८,काठमाडौं– नेपालमा गत २४ घण्टामा ३ सय ५० जनामा कोरोना भाइरस संक्रमण थपिएका छन् । स्वास्थ्य तथा जनसंख्या मन्त्रालयका अनुसार ७ हजार ९६ जनामा गरिएको नमूना परीक्षणमा ३ सय ५० जनामा संक्रमण पुष्टी भएको हो । यसैगरी पछिल्लाे २४ घण्टामा १ हजार २ सय ७२ जना संक्रमणमुक्त भएका छन् । यस्तै पछिल्लाे २४ घण्टामा ४ जनाको मृत्यु भएको छ । याेसँगै नेपालमा हालसम्म काेराेनाका कारण मृत्यु हुनेकाे संख्या ११ हजार ९ सय १७ जना पुगेकाे छ । नेपालमा सक्रिय संक्रमितको संख्या १३ हजार ३ सय ५७ जनामा झरेकाे छ ।
