पत्रकार उपचार कोषमा डा. मैनाली दम्पत्तिद्वारा आर्थिक सहयोग
२४ फाल्गुण २०७९, झाप– झापाको बिर्तामोड–३ निवासी डा. लक्ष्मीप्रसाद मैनाली र मेची क्याम्पसकी उपप्राध्यापक सुमा सेढाई(मैनाली)ले आफ्नो बैवाहिक वर्ष गाँठको अवसरमा पत्रकार महासंघ झापा शाखालाई आर्थिक सहयोग गर्नु भएकाे छ ।
१७ औं बैवाहिक वर्ष गाँठको अवसर तथा नाारी दिवसको सन्र्दभ पारेर आज पत्रकार महासंघ झापा शाखाद्वारा स्थापना गरिएको साहारा उपचार कोषमा २५ हजार पाँच सय ५५ रुपैंया प्रदान गर्नु भएकाे हाे । २८ वर्षदेखि झापाको बिर्तामाड स्थित विभिन्न स्वास्थ्य संस्थामा कार्यरत डा. मैनालीले आफ्नो बैवाहिक वर्ष गाँठको अवसर पारेर आर्थिक सहयोग गर्दै वैबाहिक वर्ष गाँठ मनाएका हुन् ।
झापा शाखाका कुनै पनि पत्रकार अस्वस्थ्य भएर उपचारका लागि आफुसमक्ष आएमा उनीहरुको आफुले लिने शुल्कमा छुट दिने प्रतिबता समेत जनाउनु भएकाे छ । स्वास्थ्य क्षेत्रमा छुट्टै पहिचान बनाएका मैनालीले पत्रकार महासंघको वर्तमान नेतृत्वले गरेको कामको प्रशंसा समेत गर्नु भयाे ।
कायर्यक्रममा पत्रकाार महासंघ झापा शाखाकी उपाध्यक्ष सुशिला संग्रौलाले डा.मैनाली र उपप्रधापक सेढाईलाई बैवाहिक वर्ष गाँठको शुभकामना दिदैं पत्रकार उपचार कोषमा आर्थिक सहयोग गरेको भन्दै धन्यवाद दिनु भयाे ।
पत्रकार महासंघ झाापा शाखाका सह–सचिव अर्जुन राजवंशीले सञ्चालन गरेको कार्यक्रममा कोषध्यक्ष रञ्जित प्रसाई, कार्यसमिति सदस्यहरु रञ्जित परियार, विनोद पाण्डे, स्वतन्त्र पत्रकार संघ झापाका अध्यक्ष नरेन्द्र ढकाल, एभिन्यूज टेलिभिजनका झापा संवाददाता सन्तोष न्यौपाने, शब्दपत्र डट.कमका सम्पादक उद्धप पुरी लगायतका पत्रकारहरुको सहभागिता रहेको थियो ।
महासंघ झापा शाखाले स्थापना गरेको उपचार कोष एक करोड रुपैयाँ पु¥याउने लक्ष्य राखिएको छ । कोषको व्याजबाट पत्रकारहरु विरामी तथा दुर्घटनामा घाइते हुँदा उपचार सहयोग प्रदान गरिँदै आएको छ । कोषमा हाल करिब ७० लाख जम्मा भएको जनाइएको छ ।
