अमेरिकी मिनिष्ट्रिबाट शरणार्थी सुरक्षाका लागि सामान वितरण

१२ कार्तिक २०८१/झापा
झापाको बेलडाँगी शरणार्थी बस्तीमा सुरक्षाका लागि आवश्यक सामाग्री आज एक कार्याक्रमबीच विरतण गरिएको छ । जंगलसँग जोडिएको बस्तीमा अधिक मात्रमा हात्तीले दुःख दिने भएकाले ५ थान इमरजेन्सी साइरन, २७ थान ठूलो क्षमताको टर्च लाइट, वाकी टकी सेट घडी लगायतका सामान प्रदान गरिएको छ । यस्तै शिविर रेखदेख दल र बस्ती व्यवस्थापन समिति सदस्य समेत गरी ५८ जनालाई जुत्ता, टोपी सहितको पोशाक सेट वितरण गरिएको छ ।

दातृ निकायले छाडे पछि पोशाकविहीन बन्न पुगेको स्वयम्सेवी संस्थामा अमेरिकामा रहेको भुटानीको इसाइ समाजको संस्था नेटवर्क मिनिष्ट्रीले गरेको सहयोगले ठूलो टेवा दिने बस्ती व्यवस्थापन समितिका सचिव सन्चहाङ सुब्बाले बताउनु भयो ।
सुब्बाले आगामी दिनमा शरणार्थीलाई जिविकोपार्जनमा जोड्ने खालका योजनामा समेत सहयोग गर्न समकालिन नेपालीभाषी भुटानी अमेरिकी युवाहरुलाई आग्रह गर्नु भएको छ ।

तेस्रो मुलुक पूनर्वास हुनु भएका पूर्व शिविर सचिव टिकाराम रसाइली सहितको नेटवर्क मिनिस्ट्री अमेरिकाको टोलीले सामान वितरण गरेको हो । कार्याक्रममा बोल्दै पूर्व सचिव रसाइलीले शरणार्थीहरु अव मागि खाने मात्र नभइ स्वलम्भी बन्नु पर्ने बताउनु भयो ।
उहाँले ३३ बर्ष देखि शिविरमा बसेका भुटानी शरणार्थीहरु भोलि शिविर बाहिर जानु पर्दा के गरिखाने, के शीप जानेको हुनु पर्ने जस्ता कुरामा आत्मानिर्भर बन्ने बाटोमा लाग्नु पर्ने बताउनु भयो ।

कार्यक्रममा पास्टरहरु रिचार्ड दास, राम विश्वकर्मा लगायतले शरणार्थी बस्तीमा सहयोग गर्न आपूmहरु तयार रहेको बताएका छन् ।
शरणार्थीहरुको सुरक्षा र व्यवस्थापनमा स्वयम् सेवकको रुपमा खट्ने कर्मचारीहरुको उचित व्यवस्थापन हुन नसक्दा सुरक्षामै चुनौती आएको भन्दै तेस्रो मुलुक पुगेका भूटानी अमेरिकी युवाहरुले सहयोग गरेको बताउनु भयो । यस्तै अव शरणार्थीलाई स्वलम्भी बनाउन जग्गा भाडामा लिएर कृषिसँग जोड्ने योजनामा समेत सहयोग गरिने नेटवर्क मिनिष्ट्रीका संयोजक राजु क्षेत्रीले बताउनु भयो ।
कार्याक्रममा सहयोगी संस्थालाई वस्ती व्यवस्थापन समितिले प्रशंसा पत्रबाट सम्मान समेत गरिएको छ । यस्तै शिविर रेखदेख दलले समेत खादा र माला लगाएर सम्मान गरेको छ ।