नेपालमा आज २०७५ संक्रमित, २३८२ निकाेः ३० जनाकाे मृत्यु
५ भदाै २०७८, काठमाडौं- बितेका २४ घण्टामा २ हजार ७५ जनामा कोरोना सङ्क्रमण पुष्टि भएको छ । नयाँ बिरामी थपिएसँगै देशभर सङ्क्रमितको सङ्ख्या आठ लाख २५ हजार ७२२ पुगेको छ ।
थप ७ हजार ७ सय ३ जनाको पिसिआर परीक्षण तथा ५ हजार ३ सय ७२ जनाको एन्टिजेन विधिबाट कोरोना परीक्षण गरिएको थियो । पिसिआर विधिबाट १ हजार ४ सय २४ तथा एन्टिजेनबाट ६ सय ५१ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
हालसम्म छ लाख ९५ हजार ९ सय २५ जना कोरोनाबाट मुक्त भई घर फर्किएका छन् । पछिल्लो २४ घण्टामा देशभर २ हजार ३ सय ८२ सङ्क्रमित निको भएर घर फर्किएका छन् । निको हुने दर ९३ दशमलव ३ प्रतिशत रहेको छ । हाल देशभर सक्रीय सङ्क्रमितको सङ्ख्या ३९ हजार ३२१ रहेको स्वास्थ्य तथा जनसङ्ख्या मन्त्रालयले जनाएको छ ।
