खाेज पत्रकारिताकाे प्रशिक्षण सम्पन्न
२० भदाै २०७८, झापा– स्थानीय सरकारका सवालहरु खाेज्न र लेख्न झापाका ३० जना पत्रकारलाई दुई दिने प्रशिक्षण कार्यक्रम गरिएकाे छ । हिजाे देखि शुरू भएकाे प्रशिक्षण नेपाल पत्रकार महासंघ झापा शाखा र शेयरकास्ट इनिसिएटिभ नेपालको संयुक्त आयोजनामा भएकाे हाे । तालिमले खाेज पत्रकारितामा स्थानीय विषयबस्तुलाइ कसरी प्रभावकारी ढंगबाट उठान गर्ने भन्ने विषयमा प्रशिक्षण दिइएकाे प्रशिक्षक हरिबहादुर थापाले बताउनु भयाे । थापाका अनुसार जिल्लामा रहेका हरेक स्थानीय सरकारसँग जाेडिएका विषय बस्तुकाे गहन अध्ययन गर्ने हाे भने केही न केही महत्वपूर्ण विषयहरू पाउन सकिने भएकाले पत्रकारले शुष्म ढंगल अध्ययन गरी सत्य तथ्य खाेजमुलक समाचार लेख्नु पर्नेमा जाेड दिनु भयाे ।
नेपाल पत्रकार महासंघ झापा शाखाका अध्यक्ष एकराज गिरकाे सभापतित्वमा भएकाे भएकाे कार्यक्रममा सहभागी पत्रकार मध्ये खाेजमुलक समाचार लेख्ने कम्तीमा ७ जनासम्मलाइ लेखनबृति दिइने याेजना बनाउने गरी पत्रकारलाइ सवै सक्रीय भएर लाग्न शेयरकाष्ठ नेपालका प्रतिनिधि भूमि चामागाँइले बताउनु भयाे । समापन कार्यक्रममा सहभागीका तर्फबाट शान्ती सुब्बा र पुष्प खड्काले तालिमले स्थानीय विषय खाेज्न उर्जा दिइएकाे बताएका छन् । समापन कार्यक्रममा अध्यक्ष गिरीले शेयरकाष्टका प्रतिनिधि तथा प्रशिक्षकलाइ मायाकाे चिनाे प्रदान गर्नु भएकाे छ । महासंघ झापाका उपाध्यक्ष केशव भट्टराईले स्वागत गरेको समापन समारोहको सञ्चालन सचिव डिकेश लामाले गर्नु भएकाे छ ।
