खुशीकाे खबर एकै दिन ५ हजार ३ सय ६४ जना डिस्चार्ज
५ मंसीर २०७७, काठमाडौं– गत २४ घण्टामा ५ हजार ३ सय ६४ जना डिस्चार्ज भएको स्वास्थ्य तथा जनसंख्या मन्त्रालयले जनाएको छ । हालसम्म डिस्चार्ज हुनेको संख्या १ लाख ९१ हजार २ जना रहेको छ । नेपालमा निको भएको दर ८८ प्रतिशत पुगेको छ । यसैबी यता कोरोना भाइरसबाट देशभर गत २४ घण्टामा थप १ हजार ९ सय ४५ जना संक्रमित भएका छन् ।
गत २४ घण्टामा १० हजार ३ सय ४० जनाको पीसीआर परीक्षण गर्दा ७ सय ४० महिला र १ हजार २ सय ५ जना पुरुष गरी १९४५ जना संक्रमित भएका हुन् । थपिएसँगै नेपालमा कोरोना संक्रमितको संख्या २ लाख १६ हजार ९ सय ६५ जना पुगेका छन् । सक्रिय संक्रमितको संख्या २४६६५ रहेको छ ।
यसैगरी गत २४ घण्टामा २२ जनाको मृत्यु भएको छ । हालसम्म मृत्यु हुने १२९८ जना छन् ।
