पत्रकार लामा सहित ३ जना सम्मानित

७ मंसीर २०७९,झापा
झापाको कमल वडा नं. २ मा मुख्य कार्यालय रहेको पूर्व नेपाल बहुृउदेश्य कृषि सहकारी संस्थाले पत्रकार डिकेश लामा सहित ३ जना सहकारी क्षेत्रका अगुवालाई सम्मान गरेको छ । आफ्नो २२ औं साधारणसभा कार्याक्रममा पत्रकार लामा सहित सहकारी तथा संचारकर्मी शालिग्राम पोखरेल, साना किसान कृषि सहकारी संघकी महिला नेतृ मिना ढकाललाई नगद, सम्मान पत्र र दोसल्ला ओढाएर प्रेम सापकोटाले सम्मान गर्नु भयो ।

कार्यक्रममा त्यस बाहेक उत्कृष्ट बचत कर्ता उत्कृष्ट उद्यमी, उत्कृष्ट कोपिला बचत कर्ता र जेष्ठ सदस्य समेत गरी १ सय जना हाराहारीलाई मायाको चिनो र सम्मान पत्रले सम्मान गरेको छ । संस्थाले पछिल्लो आर्थिक तरलतामा पनि ४ करोड ६१ लाख नाफा गरेको अध्यक्ष सापकोटाले आफ्नो प्रतिवेदनमा प्रस्तुत गर्नु भएको छ । यस्तै आगामी आर्थिक बर्षमा ५ करोड बढी नाफा हासिल गर्ने लक्ष्य सहितको कार्याक्रम समेत सार्वजनिक गरेको छ ।
संस्थाले आर्थिक बर्ष २०७८/०७९ मा १७ अर्व ८३ करोड १५ लाख ८७ हजार ५ सय ५ रुपयाँको कारोवार समेत गरेको जानकारी दिएको छ । कार्याक्रममा सहकारी संस्थाका अगुवा, सामाजिक तथा राजनैतिक अगुवा र विभिन्न जिल्लामा रहेका १४ वटा शाखा कार्यालयका प्रमुख तथा सहकारी संस्था प्रतिनिधिहरुको उपस्थिति रहेको थियो ।