झापामा प्रथम मुख्यमन्त्री कप राष्ट्रिय पुरुष भलिवल प्रतियोगिता शुरु (फाेटाे फिचर)

१४ बैशाख २०८०/विरेन्द्र सुब्बा
झापाको दमकमा प्रथम मुख्यमन्त्री कप राष्ट्रिय पुरुष भलिवल प्रतियोगिता आज देखि शुरु भएको छ । दमक नगरपालिकाको वडा नं. २ को हिमाविको खेल मैदानमा शुरु भएको आजको खेलमा सुदुर पश्चिमलाई हराउँदै आयोजक कोशी प्रदेश विजयी बनेको हो । कोशीले सुुदुर पश्चिम प्रदेशको टीमलाई सोझो ३ सेटमा हराएको छ ।

राष्ट्रिय स्तरको प्रतियोगितामा बागमति र कर्णाली प्रदेशको भने उपस्थित हुन सकेको छैन । भोलि मधेस प्रदेश र गण्डकी तथा लुम्विनी र गण्डकी प्रदेश बीच दुई चरणको खेल हुनेछ ।
प्रतियोगिताको विजेता र उपविजेताले क्रमशः नगद ३ र २ लाख रुपयाँ प्राप्त गर्नेछन् । यस बाहेक प्रमाणपत्र, ट्रफी, मेडल र विधागत पुरस्कार समेत प्रदान गरिने आयोजक कोशी प्रदेश खेलकुद विकास बोर्डका संयोजक थलुराज भण्डारीले बताउनु भयो ।

सुदुर पश्चिम प्रदेशका प्रदेश खेलकुद परिषदका सदस्य सचिव दिपकबहादुर सिंहको प्रमुख आथित्यमा शुरु भएको खेल प्रतियोगिता आगामी १६ गतेसम्म हुने आयोजकले जानकारी दिएको छ ।