शिवसताक्षीमा चासोक तङ्नाम समापन (फाेटा/भिडियाे स्टाेरी)

१३ पुस २०८१/झापा
शिवसताक्षीका किराती समूदायले आज एक भव्य कार्याक्रमबीच उधौली वर्प अर्थात चासोक तङ्नाम समापन गरेका छन् । शिवसताक्षी नगरपालिका वडा नं. ७ मा मिलन साँकृति समूहको आयोजनामा भएको विभिन्न कार्याक्रम गर्दैै चासोक तङनाम समापन गरेका हुन् ।

समापन कार्याक्रमका प्रमुख अतिथि नगरपालिका प्रमुख मेघाहाङ थोप्रा रोशनले पालिकामा भएका सवै जातजाति र समूदायको सँस्कृतिको विकासमा पालिकाले आर्थिक देखि अन्य सहयोग समेत गर्दै आएको बताउनु भयो । उहाँले साँस्कृतिक पहिरन र चाड पर्वहरु साझा बन्दै गएकाले सवैले यसको विकासमा जोड दिनु पर्ने बताउनु भयो ।
साँस्कृतिक खेल तिर हान्ने, छेलो लगायतका खेल प्रतियोगिता समेत भएको कार्याक्रममा समाजसेवी भक्तिप्रसाद सिटौला, उपप्रमुख नरमाया कार्की, किरात याक्थुङ चुम्लुकका अगुवाहरुले चासोक तङनाम सवै नेपालको साझा चाडको रुपमा विकास हुँदै गएको बताएका छन् ।

समूहका अध्यक्ष राज सुब्बाको अध्यक्षतामा भएको कार्याक्रममा राष्ट्रिय तथा स्थानीय कलाकारले लोप बन्दै गएको पालम, धान नाच सहित गीत तथा नृत्य प्रस्तुत गरेका छन् । साे अवसरमा कार्यक्रम सफल बनाउन सहयाेग गर्ने दर्जन हाराहारी दाताहरूलाई नगर प्रमुख राेशनकाे हातबाट सम्मान समेत गरिएकाे छ । झापा जिल्लामा पछिल्लो समय चासोक तङनाम अर्थात उधौती पर्व गर्ने चलन गाउँगाउँसम्म मनाउन थालिएको छ ।

भिडियाे हेर्नका लागि तलकाे लिंकमा थिच्नुहाेस् ।