शिवसताक्षी समितिमा माओवादी केन्द्रका अध्यक्षमा नेम्बाङ सर्वसम्वत चयन
देश विकासमा राजा नभइ जनताकाे सामुहिक कार्य नै उत्तम हुने
१० चैत्र २०८१, झापा– नेकपा ( माओबादी केन्द्र) शिवसताक्षीको दोश्रो नगर अधिबेशनबाट दुर्गा नेम्बाङ अध्यक्षमा सर्बसम्मत चयन हुनु भएकाे छ । शनिबार दुधेमा सम्पन्न दोस्रो अधिबेशनले नेम्बाङ सहित ४५ जनाकाे समिति गठन भएकाे छ । समितिकाे उपाध्यक्षमा क्रमशः राजु दर्नाल, कचाली ताजपुरिया र भुवन राई सर्बसम्म्त चयन भएका छन् । यस्तै सचिबमा धनकुमार ढकाल , सह सचिबमा भुवन सेन्दाङ र देबिका खनाल र कोषाध्यक्षमा हेम बहादुर कार्की(सुमन)चयन भएको निर्वाचन समितिले जानकारी दिएको छ ।
अधिबेशन शिवसताक्षी नगर अध्यक्ष महेन्द्र भट्टराईको अध्यक्षता तथा केन्द्रिय सदस्य तथा कोशी प्रदेश सह इन्चार्ज अजम्बर काङबाङ राईकाे प्रमुख आतिथ्यतामा भएको हो । अधिवेशनकाे उद्घाटन गर्दै राईले नेपाली जनताको त्याग, संघर्ष, बलिदानबाट नेकपा (माओवादी केन्द्र) स्थापना भएको र त्यसैको मर्म, आदर्श, सिद्धान्त र दृष्टिकाेणबाट जनताबीच महत्वपूर्ण जिम्मेवारीका साथ काम गरिरहेको बताउनुभयो । देशकाे विकास गर्न कुनै एक व्यक्ति वा राजाले नभइ सामुहिक प्रयासबाट मात्र देशकाे विकास हुने उहाँले दावी गर्नु भयाे ।
खुल्ला सत्रकाे कार्यक्रममा झापा इन्चर्ज रन्जित तामाङ, केन्द्रीय सदस्य तथा पूर्व मन्त्री झलकसिंह दर्लामी, जिल्ला इन्चार्ज पुरूषाेतम चुडाल, प्रदेश कमिटी सल्लाहकार सदस्य जितेन्द्रराज चेम्जोङ लगायतका नेताहरुको उपस्तिथि मन्तव्य रहेको थियो । खुल्ला सत्रमा नगरका ११ वटै वडा अध्यक्षलाइ धन्यवाद पत्र समेत प्रदान गरिएकाे छ । यस्तै यस अघि अभियानमा वितरण गर्न थालिएकाे गणतान्त्रिक याेद्धाकाे सम्मानबाट सताक्षीमा रहेर जनयुद्ध कालमा जेल नेल भाेगेका अगुवा नेतृत्वलाइ सम्मान समेत वितरण गरिएकाे थियाे ।
नवगठित समितिका अध्यक्ष नेम्बाङ्गलाई निर्वतमान अध्यक्ष महेन्द्र भट्टराई लगायातकाे समितिले पदस्थापनासँगै शुभकामना समेत दिएका छन् ।
