१५ देशका राजदुतले घुमे इलामकाे विभिन्न भागः स्थानीय बस्तुकाे प्रवर्धनमा टेवा पुग्ने पराराष्ट्र मन्त्री डा. राणाकाे भनाइ(फाेटाे फिचर)

१ वैशाख २०८२, डिकेश लामा–  नेपाली नयाँ वर्ष २०८२ को अवसरमा नेपाल आएका विभिन्न देशका राजदूतले अन्तुमा चिया टिप्ने प्रतिष्पर्धा गरेका छन् । सोमबार १० बजे देखि राजदूतहरुले चिया बोक्ने डालो भिरेर चिया कसले धेरे चिया टिप्ने भन्ने प्रतिष्पर्धा गरेका हुन् । परराष्ट्र मन्त्रालयका सचिव अमृतबहादुर राईले सबै राजदूतका लागि यो फरक अनुभव भएको र चिया कसरी तयारी गरिन्छ भन्ने जानकारी गराउँदै नेपालकाे कृषि क्षेत्रकाे पर्यटन विकास लागि सहभागी गराइएकाे बताउनु भयाे ।  उहाँले नेपालकाे अार्थिक स्थिति सुधार गर्न यस बर्ष पूर्वी नेपालकाे इलाममा विभिन्न कार्यक्रम गरिएकाे बताउनु भयाे ।

राजदूतहरुले टिपेको चिया जोखेर उहाँहरूलाइ चिया नै मायाकाे चिनाे स्वरूप प्रधान समेत गरिएकाे छ ।   सूर्योदयका नगरप्रमुख रणबहादुर राईका अनुसार चैत्र ३१, बैशाख १ र २ गते नेपालका लागि विभिन्न देशका राजदुत र कुटनीतिज्ञहरूकाे सहभागितमा कार्यक्रम गरिएकाे छ । चिया प्रशाेधन र त्यसकाे गुणस्तर जाँच तथा दुधबाट बनाइने विभिन्न प्रकारका चिजकाे समेत उहाँहरूलाइ चखाएर त्यसकाे महत्वबारे जानकारी गराइएकाे छ ।

नेपाली चिया विश्व बजारमा प्रवर्धन गर्नका लागि चिया टेष्टिङको कार्यक्रम राखिएको सूर्योदय टि प्रोडुर्सस एशोसिएसनका सचिव गोपाल कट्टेलले जानकारी दिनुभयो । चिया टेष्टिङसँगै चियाका प्रकार बारेमा जानकारी गराइएको थियो । जुन कार्यक्रमबाट चियाकाे प्रचार प्रसार देशका विभिन्न देशमा पुग्ने उहाँले बताउनु भयाे ।

ब्ल्याक टि, अर्थोडक्स ग्रीन टि, उलङ टि, सिल्भर टी, गोल्डेन टीको स्वाद चखाइएको राष्ट्रिय चिया तथा कफी विकास बोर्ड चिया विस्तर योजना फिक्कलका चिया प्राविधिक नविन कोइरालाले जानकारी दिनुभयो । यस्तै चिज र अलैची टेष्टिङको कार्यक्रममा समेत राजदुतहरूले सहभागिता जनाएकाे सूर्याेदय नगरपालिकाका प्रमुख प्रशासकीय अधिकृत अमृत राइले बताउनु भयाे ।  नेपाली नयाँ वर्ष २०८२ को अवसरमा नेपालका लागि विभिन्न देशका राजदूत आइतबार इलामको सूर्योदय नगरपालिका आउनुभएको थियो ।

परराष्ट्र मन्त्रालय र नेपाल टुरिजम बोर्डको आयोजना तथा इलामको सूर्योदय नगरपालिकाको समन्वयमा अनौपचारिक भ्रमणअन्तर्गत १५ देशका राजदूत आइतबारदेखि अन्तुमा हुनुहुन्छ । परराष्ट्रमन्त्री डा. आरजु राणा देउवाको नेतृत्वमा मन्त्रालयका सचिव राईसहितका कर्मचारी, टुरिजम बोर्डका कर्मचारी राजदूतसहित ४५ जना बढी उच्च तहका पदाधिकारी भ्रमणमा सहभागी रहेका छन् । मन्त्री राणाले याे भ्रमण कार्यक्रमले नेपाली स्थानीय बस्तुलाइ विश्व बजारमा पुर्याउन थप मदत पुग्ने बताउनु भयाे । उहाँले नेपालकाे पर्यटन विकास लागि स्थानियसँगकाे छलफल पछि अागामी बजेटमा पूर्वाधारमा समेत जाेड दिने बताउनु भयाे ।