नेपालमा संक्रमणमुक्त एक लाख नाघे, ६९.२ प्रतिशत निकाे भए
२४ घण्टामा ३ हनार ६ सय ३७ जना संक्रमित
६ कातिर्क २०७७, काठमाण्डाैं–नेपालमा कोरोना भाइरसबाट एकलाख भन्दा बढी संक्रमणमुक्त भएका छन् ।
स्वास्थ्य तथा जनसंख्या मन्त्रालयको नियमित प्रेस ब्रिफिङमा बिहीबार प्रवक्ता प्रा.डा. जागेश्वर गौतमले दिएको जानकारी अनुसार पछिल्लो २४ घण्टामा ३ हजार २ सय १५ जना डिस्चार्ज भएसँगै १ लाख २ हजार ८ सय २० संक्रमणमुक्त भएका छन् । संक्रमितमध्ये ६९.२ प्रतिशत निको भएका हुन् ।
पछिल्लो २४ घण्टामा ३ हजार ६ सय ३७ जना संक्रमित भएको प्रा.डा. गौतमले जानकारी दिनुभयो । बितेको २४ घण्टामा देशभरका प्रयोगशालामा १५ हजार २ सय ५५ जनाको पीसीआर परीक्षण गर्दा ३ हजार ६ सय ३७ जनामा कोरोना भाइरस संक्रमण पुष्टि भएको हो ।
यसैबीच पछिल्लाे २४ घण्टामा २१ जनाकाे मृत्यु भएकाे छ । याे सँगै नेपालमा मृत्यु हुनेकाे संख्या ८ सय १२ पुगकाे स्वास्थ्य मन्त्रालयले जानकारी दिएकाे छ।
